[Khmer version as below]

Refer to PPIU group telegram shared on 6^th February 2024 (គម្រោង CFAVC-PDAFF តាកែវ):

សកម្មភាពថ្ងៃទី៦ ខែកុម្ភៈ ឆ្នាំ២០២៤

១. អង្គភាពអនុវត្តគម្រោងខេត្ត PPIU-TK នៃគម្រោងខ្សែច្រវាក់ផលិតកម្មដោយភាតរៈបរិស្ថាន CFAVC សហការជាមួយការិយាល័យកសិឧ្សាហកម្មខេត្ត បានធ្វើការប្រជុំផ្សព្វផ្សាយពីផលិតកម្មកសិកម្មតាមកិច្ចសន្យានិងបង្ហាញពីជំហ៊ាននៃការឆ្ពោះទៅរៀបចំកិច្ចសន្យារវាងសមាជិកសហគមន៍កសិកម្មនិងសហគមន៍កសិកម្ម សហគមន៍កសិកម្ម និងវិស័យឯកជន ក្រោមអធិបតីភាព លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងជាប្រធានអង្គភាពអនុវត្តគម្រោងខេត្ត ព្រមទាំងមានការចូលរួមពីលោកទីប្រឹក្សា CS2 លោកស្រីប្រធានការិយាល័យកសិឧស្សាហកម្មនិងសហការី និងសហគមន៍កសិកម្មគោលដៅគម្រោងទាំង ៣០។ កិច្ចប្រជុំនេះធ្វើនៅមន្ទីរកសិកម្ម រុក្ខាប្រមាញ់ និងនេសាទខេត្តតាកែវ។

២. លោក សោ សារឿង ប្រធានការិយាល័យគ្រឿងយន្តកសិកម្មជា​មន្រ្តី​អង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរៈបរិស្ថាន បានរួមជាមួយក្រុមការងារមន្រ្តីភ្នាក់ងារអង្គភាពអនុវត្តគម្រោង  IA-GDA PMU-MAFF និងទីប្រឹក្សាបច្ចេកទេស CS2  បានចុះពិនិត្យស្ថានភាពទីតាំងដីស្រែសម្រាប់គម្រោងស្តីពីការកៀរពង្រាបដីស្រែដោយប្រពន្ធ័ឡាហ៊្សែរ ក្រោមអនុគម្រោងនៃគម្រោង CFAVC ដែលមានទីតាំងដូចខាងក្រោម៖

- ទំនប់អាងទឹកទួលរលកដែលស្រោចស្រព តាមប្រពន្ធ័ប្រឡាយ នៅសហគមន៍កសិកម្មស្តុកស្តម ឃុំតាំងយាប ស្រុកព្រៃកប្បាស

- ទំនប់អាងទឹកគោកកណ្តោល តាមប្រព័ន្ធប្រឡាយមេ នៅសហគមន៍កសិកម្មសំភ្លីអង្គររង្សី ក្នុងឃុំព្រៃខ្លា ស្រុកកោះអណ្ដែត

- បានផ្តល់បញ្ជីឈ្មោះក្បាលដីស្រែនីមួយៗរបស់សមាជិកសហគមន៍កសិកម្មក្នុងអនុគម្រោងប្រពន្ធ័ធារាសាស្រ្តេពោធិតាស៊ុយ ដើម្បីកៀរពង្រាបដីស្រែដោយប្រពន្ធ័ឡាហ៊្សែក្នុងសហគមន៍កសិកម្មកំពែងសុខសែនសំបូរ ឃុំកំពែង ស្រុកគីរីវង់។

៣. អ្នកផ្សព្វផ្សាយឡជីឧស្ម័ននិងរោងជីកំប៉ុស្តិ៍ នៃគម្រោងខ្សែច្រវាក់ផលិតកម្មដោយភាតរៈបរិស្ថាន CFAVC ចំនួន ៣នាក់/ស្រី  ០១នាក់ បានធ្វើការប្រជុំក្រុមតូចដើម្បីរកអតិថិជនជាវឡជីឧស្ម័ននិងរោងជីកំប៉ុស្តិ៍ នៅក្នុងស្រុកគិរីវង់ ត្រាំកក់ និងព្រៃកប្បាស ដោយទទូលបានលទ្ធផលដូចខាងក្រោម៖

- អ្នកចូលរួមប្រជុំសរុបចំនួន ១២៦នាក់/ស្រី ៦១នាក់

- មានអ្នកជាវឡជីវឧស្ម័ននិងរោងជីកំប៉ុស្តិ៍សរុបចំនួន ៨នាក់

- មានអ្នកចាប់អារម្មណ៍សរុបចំនួន ៣៦នាក់។