[Khmer version as below]

Refer to PPIU group telegram shared on 16^thJanuary 2024 (គម្រោង CFAVC-PDAFF តាកែវ):

សកម្មភាពថ្ងៃទី១៦ ខែមករា ឆ្នាំ២០២៤

១. អង្គភាពអនុវត្តគម្រោងខេត្ត (PPIU-TK) បានប្រជុំបង្ហាញលទ្ធផលវឌ្ឍនភាពការអនុវត្តគម្រោងសម្រាប់ឆ្នាំ២០២៣ និងរៀបចំផែនការចុះបញ្ជាក់ជាមួយអតិថិជនជាអ្នកបានជាវឡជីវឧស្ម័ននិងរោងជីកំប៉ុស្តិ៍កន្លងមកដើម្បីរៀបចំជាក្រុមៗសម្រាប់គ្រោងការសាងសង់របស់ក្រុមជាងនាពេលខាងមុខព្រមទាំងបានពិភាក្សាការងារផ្សេងៗដែលនៅសេសសល់។ កិច្ចប្រជុំនេះធ្វើនៅមន្ទីរកសិកម្ម រុក្ខាប្រមាញ់ និងនេសាទខេត្តតាកែវ។

២. លោក សោ សារឿង ប្រធានការិយាល័យគ្រឿងយន្តកសិកម្មខេត្ត ជា​មន្រ្តី​អង្គភាព​អនុវត្ត​គម្រោង​ (PPIU-TK) នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរៈបរិស្ថាន រួមជាមួយក្រុមការងារ លោក សេង សាវ៉ាត និង លោក ទុយ ចំរើន​មន្រ្តីភ្នាក់ងារអង្គភាពអនុវត្តគម្រោង IA-GDA PMU-MAFF លោក សុផា សុវណ្ណារ៉េត អនុប្រធានក្រុមទីប្រឹក្សាបច្ចេកទេស CS1 និង លោក ហេង សុផាត ទីប្រឹក្សាបច្ចេកទេស CS2 ព្រមទាំងសហការី បានចុះពិនិត្យស្ថានភាពទីតាំងដីស្រែសម្រាប់គម្រោងបង្ហាញ “ការកៀរពង្រាបដីដោយប្រពន្ធ័ឡាហ៊្សែ” ជាដីស្រែស្ថិតនៅក្នុងតំបន់ស្រោចស្រពគោលដៅនៃប្រពន្ធ័ធារាសាស្ត្រដែលគាំទ្រដោយគម្រោង CFAVC ចំនួនបីប្រពន្ធ័ធារាសាស្ត្រ មានដូចខាងក្រោម៖

- ប្រពន្ធ័ធារាសាស្ត្រទំនប់់អាងទឹកពោធិតាស៊ុយ ស្ថិតនៅសហគមន៍កសិកម្មកំពែងសុខសែនសំបូរ ឃុំកំពែង ស្រុកគីរីវង់

- ប្រពន្ធ័ធារាសាស្រ្តប្រឡាយលេខ៩៥ ស្ថិតនៅឃុំក្រពុំឈូក ស្រុកកោះអណ្តែត និង

- ប្រពន្ធ័ធារាស្ត្រ ប្រឡាយលេខ ៤២ ស្ថិតនៅក្នុងឃុំព្រៃខ្លា ស្រុក កោះអណ្ដែត ខេត្តតាកែវ។