[Khmer version as below]

Refer to PPIU group telegram shared on 20^thNovember 2023 (គម្រោង CFAVC-PDAFF តាកែវ):

សកម្មភាពថ្ងៃទី២០ ខែវិច្ឆិកា ឆ្នាំ២០២៣

១. លោក​ សោ សារឿង​ ប្រធានការិយាល័យគ្រឿងយន្តកសិកម្មខេត្ត និង លោក ហន ឧត្តម មន្រ្តី​ការិយាល័យផលិតកម្ម និងបសុព្យាបាលខេត្ត ជាមន្ត្រីអង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរបរិស្ថាន (CFAVC) បានបើកវគ្គបណ្តុះបណ្តាលសាលារៀនស្រែកសិករ “ស្តីពីផលិតកម្មដំណាំស្រូវប្រកបដោយនិរន្តភាព (SRP)” សម្រាប់ថ្ងៃទី៤ នៅសហគមន៍កសិកម្មសំភ្លីអង្គររង្សី ស្ថិតនៅភូមិតាំងរាសី ឃុំព្រៃខ្លា ស្រុកកោះអណ្តែត ដែលមានអ្នកចូលរួមសរុបចំនួន ៣០នាក់/ស្រី ២២នាក់ ដែលមានមាតិកា​សំខាន់ៗដូច​ខាង​ក្រោម​៖

+ រំលឹកមេរៀនពីសប្តាហ៏មុន

+ ចុះបញ្ជីវត្តមាន

-​ ពិភាក្សាខ្លឹមសារប្រព័ន្ធក្សេត្របរិស្ថានដំណាំស្រូវនិងចុះពិនិត្យស្ថានភាពជាក់ស្ដែងទីវាល (ដឹកនាំកសិករចុះស្រែ និងយកសំណាកផ្សេងៗ)

+ ការគ្រប់គ្រងសមាសភាពចង្រៃស្តង់ដា SRP

- ប្រភេទស្មៅ និងវិធានការការពារនិងកម្ចាត់

- ប្រភេទជម្ងឺ និងវិធានការការពារ

- ប្រភេទសត្វល្អិត និង វិធានការការពារ​ និងកម្ចាត់។

២. លោក​ សុខ រេត មន្ត្រីការិយាល័យកសិឧស្សាហកម្ម និងលោកស្រី​ ឃឹម រតនា មន្ត្រីការិយាល័យក្សេត្រសាស្រ្ត និងផលិតភាពកសិកម្ម​ ជា​មន្រ្តី​អង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរបរិស្ថាន (CFAVC)​ បានបើកវគ្គបណ្តុះបណ្តាលស្តីពី “ការអនុវត្តកសិកម្មវៃឆ្លាតដែលធន់នឹងអាកាសធាតុ (CSA)” ថ្ងៃទី៤ នៅសហគមន៍កសិកម្មសាមគ្គីមានជ័យ នៅភូមិផ្លូវលោក ឃុំត្រពាំងក្រញូង ស្រុកត្រាំកក់។​ ដែលមានអ្នកចូលរួមអ្នកចូលរួមសរុប ៣០នាក់/ស្រី ១៦នាក់។ តាមមាតិកាដូចមានខាងក្រោម៖

-​ រំលឹកមេរៀនសប្តាហ៍មុន

- ការគ្រប់គ្រងសារធាត្តចិញ្ចឹម

- តួនាទី N P K លើដំណាំស្រូវ

- ការដាំដំណាំគម្របដី

- ការប្រើប្រាស់ជីគីមី និងជីកំប៉ុស្តិ៍ ឡជីវឧស្ម័ន (ពេលវេលា បរិមាណ របៀបដាក់)

- វិធីធ្វើកំប៉ុស្តិ៍សំខាន់ៗ។

៤. លោក​ ញ៉ិប សុខុម អនុប្រធានការិយាល័យនីតិកម្មកសិកម្ម​ និង​លោក​ យូ ងនស៊ាង មន្រ្តី​ការិយាល័យ​សហគមន៍កសិកម្ម ជា​មន្រ្តី​អង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរបរិស្ថាន (CFAVC) បានចុះសម្របសម្រួលបង្កើតក្រុមផលិតផ្សាភ្ជាប់​នឹងងទីផ្សារ នៅសហគមន៍កសិកម្មស្ទឹងស្លាគូ ភូមិដក់ពរ ឃុំបឹងត្រាញ់ខាងត្បូង ស្រុកសំរោង។  ដែលមានមាតិកាសំខាន់ៗដូចខាងក្រោម៖

-​ ផ្សព្វផ្សាយគោលគំនិតនៃការបង្កើតក្រុម

- នីតិវិធីនៃការបង្កើតក្រុម

- ការផ្សាភ្ជាប់ក្រុមផលិតជាមួយវិសយ័ឯកជន។ និងបានបោះឆ្នោតសមាសភាពថ្នាក់ដឹកនាំក្រុមមាន​ ០៥រូប/ស្រី​ ២នាក់​ ព្រមទាំងបានបង្ហាញពីតួនាទីភារៈកិច្ចទទួលខុសត្រូវរបស់ថ្នាក់ដឹកនាំ និងសមាជិកក្រុមរៀបចំបង្កើតបទបញ្ជាផ្ទៃក្នុង

- បានរៀបចំសមាជិកក្រុមមានចំនួន​ ៣៧នាក់/ស្រី​ ១៧នាក់។

៥. លោកស្រី ផន បុល មន្រ្តីការិយាល័យផ្សព្វផ្សាយកសិកម្ម ជា​មន្រ្តី​អង្គភាព​អនុវត្ត​គម្រោង​ថ្នាក់​ខេត្ត​ PPIU-TK នៃគម្រោងខ្សែច្រវាក់ផលិតកម្មដោយភារៈបរិស្ថាន (CFAVC) បានចុះវាស់ស្ទង់ទិន្នផលស្រែបង្ហាញផលិតកម្មពូជស្រូវផ្ការំដួល បានចំនួន ០១បង្ហាញ ដោយច្រូតយកចំនួន ៣សំណាកផ្សេងៗគ្នា (១សំណាក ស្មើ ១ម៉ែត្រការ៉េ) របស់​កសិករ​ឈ្មោះ​ អ៊ូ ម៉ុម  ភេទស្រី​ ដែល​មាន​ផ្ទៃ​ដី​ស្រែបង្ហាញសរុបទំហ៊ំ​ ៥ ០០០ម៉ែត្រ​ការ៉េ នៅសហគមន៍កសិកម្មបក្សីរីករាយ​ ឃុំជាងទង​ ស្រុក​ត្រាំកក់។ លទ្ធផលដោយទទួលបានទិន្នផលជាមធ្យម​ ៦,៨តោន/១ហិកតា។