Daily activities of PPIU-TK team on 22nd September 2023, Takeo Province (TK)

[Khmer version as below]

Refer to PPIU group telegram shared on 22^nd September 2023 (គម្រោង CFAVC-PDAFF តាកែវ):

សកម្មភាពថ្ងៃទី២២ ខែកញ្ញា ឆ្នាំ២០២៣

១. លោក សោ សារឿង ប្រធានការិយាល័យគ្រឿងយន្តកសិកម្ម និង លោក ហន ឧត្ដម មន្រ្តីការិយាល័យផលិតកម្មនិងបសុព្យាបាល ជាមន្ត្រីអង្គភាពអនុវត្តគម្រោងថ្នាក់ខេត្ត PPIU-TK នៃគម្រោងខ្សែច្រវាក់ផលិតកម្មដោយភាតរបរិស្ថាន ( CFAVC) បានចូលរួមវគ្គបណ្ដុះបណ្ដាលកសិករស្ដីពី “ការអនុវត្តការគ្រប់គ្រងល្អលើដំណាំស្រូវ” នៅសហគមន៍កសិកម្មភ្នំដិនសែនសុខ ភូមិទទឹង ឃុំភ្នំដិន ស្រុកគិរីវង់ សម្របសម្រួលដោយគ្រូ ស៊ាង ឡៃហេង ប្រធានការិយាល័យក្សេត្រវិទ្យា និងប្រព័ន្ធកសិកម្ម នៃវិទ្យាស្ថាន CARDI និងសហការី ដោយមានកសិករចូលរួមសរុបចំនួន ២៥នាក់/ស្រី ០៣នាក់ តាមមាតិកាដូចខាងក្រោម៖

- លក្ខណៈរូបសាស្ត្រលើដំណាំស្រូវ

- ដំណាក់កាលលូតលាស់លេីដំណាំស្រូវ

- ការរៀបចំដី

- វិធីសាស្ត្រនៃការដាំដុះ

- ការគ្រប់គ្រងទឹក

- សត្វល្អិត និងការការពារ

- ជំងឺសំខាន់ៗ លើដំណាំស្រូវ និងវិធានការគ្រប់គ្រង

- ការច្រូតកាត់ និងការទុកដាក់។

២. លោកស្រី ឃឹម រតនា មន្រ្ដីការិយាល័យក្សេត្រសាស្រ្តនិងផលិតភាពកសិកម្មខេត្ត ជាមន្រ្តីអង្គភាពអនុវត្តគម្រោងថ្នាក់ខេត្ត PPIU-TK នៃគម្រោងខ្សែច្រវាក់ផលិតកម្មដោយភារៈបរិស្ថាន (CFAVC) បានចុះពិនិត្យស្រែបង្ហាញផលិតពូជស្រូវផ្កាមាលតី នៅសហគមន៍កសិកម្មដំរីរមៀល ភូមិត្រពាំងឈូក ឃុំត្រពាំងធំខាងត្បូង ស្រុកត្រាំកក់ ដោយទទួលបានលទ្ធផលដូចខាងក្រោម៖

- ផ្តល់បច្ចេកទេសបន្សុទ្ធពូជ និងដកសម្អាតពូជលាយចេញពីក្នុងស្រែបង្ហាញ

- ស្រូវដុះលូតលាស់ល្អ

- មានទឹកគ្រប់គ្រាន់។