[Khmer version as below]

Refer to PPIU group telegram shared on 22^nd August 2023 (គម្រោង CFAVC-PDAFF តាកែវ):

សកម្មភាពថ្ងៃទី២២ ខែសីហា ឆ្នាំ២០២៣

១. អង្គភាពអនុវត្តគម្រោងខេត្តតាកែវ PPIU-TK សហការជាមួយអង្គភាពគ្រប់គ្រងគម្រោង PMU-MAFF នៃគម្រោងខ្សែច្រវាក់ផលិតកម្មដោយភាតរៈបរិស្ថាន CFAVC បានរៀបចំទិវាស្រែពូជចំប៉ីស៧០ សហគមន៍កសិកម្មឧត្តមសូរិយា ស្ថិតក្នុងភូមិត្រពាំងថ្លាន់ ឃុំឧត្តមសូរិយា ស្រុកត្រាំកក់ ក្រោមអធិបតីភាព លោក ហេង ប៊ុននី អនុប្រធាននាយកដ្ឋានបុគ្គលិក នៃក្រសួងកសិកម្ម រុក្ខាប្រមាញ់ និងនេសាទ និងជាមន្រ្តីតាមដានត្រួតពិនិត្យនិងវាយតម្លៃការអនុវត្តគម្រោង (M&E Officer)។ ពិធីនេះក៏មានការចូលរួមពីតំណាងភ្នាក់ងារអនុវត្តគម្រោង (IA-CARDI) លោកទីប្រឹក្សាគម្រោង តំណាងរោងម៉ាស៊ីនកិនស្រូវ ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកត្រាំកក់ ក្រុមប្រឹក្សាឃុំ និងប្រជាពលរដ្ឋ បានចូលរួមសរុបចំនួន ៧០នាក់។ សូមបញ្ជាក់ថា តាមការវាស់ស្ទង់ទិន្នផល ពូជចំប៉ីស៧០ ផ្តល់ទិន្នផល ៤,៦៥តោន ក្នុងមួយហិកតា។

២. លោក ភួង តារា អនុប្រធានក្រុមទីប្រឹក្សាគម្រោង CS2 នៃគម្រោងខ្សែច្រវាក់ផលិតកម្មដោយភាតរៈបរិស្ថាន CFAVC និងមន្រ្តីអង្គភាពអនុវត្តគម្រោងខេត្តតាកែវ PPIU-TK បានប្រជុំពិនិត្យវឌ្ឍនភាពសកម្មភាពឡជីវឧស្ម័ននិងពិភាក្សាការរៀបចំសំរាប់ទទួលក្រុមបេសកកម្មADB (ដៃគូអភិវឌ្ឍគម្រោង)។