[Khmer version as below]

Refer to PPIU group telegram shared on 26^th July 2023 (គម្រោង CFAVC-PDAFF តាកែវ):

សកម្មភាពថ្ងៃទី២៦ ខែកក្កដា ឆ្នាំ២០២៣

១. លោក​ សោ​ សារឿង​ ប្រធានការិយាល័យគ្រឿងយន្តកសិកម្ម​ ជា​មន្រ្តី​អង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរបរិស្ថាន (CFAVC) បាន​រួមជាមួយមន្ត្រីភ្នាក់ងារអង្គភាពអនុវត្តគម្រោង (IA-GDA)​ មន្ត្រីអង្គភាពអនុវត្តគម្រោង (PMU-MAFF) និងទីប្រឹក្សាបច្ចេកទេស CS1 ដោយមានការចូលរួមពីតំណាងក្រុមហ៊ុន KBH.Construction.LTD ប្រចាំការដ្ឋាន បានចុះពិនិត្យការដ្ឋានសាងសង់ឃ្លាំងស្តុកស្រូវចំណីចំណុះ ១០០តោន នៅសហគមន៍កសិកម្មគីរីឧត្តមតាអូរ ឃុំតាអូរ​ ស្រុក​គិរីវង់ ដែលទទួលបានលទ្ធផលដូចខាងក្រោម៖

- ការដ្ឋានបានសាងសង់សម្រេចបានប្រមាណ ៧០ ទៅ ៨០ភាគរយ

- បានកំពុងបូកស៊ីម៉ង់ត៍ជញ្ជាំងក្នុងក្នុងនិងខាងក្រៅ

- បានណែនាំដល់ក្រុមជាងពីសុវត្ថិភាពក្នុងការសាងសង់និងទុកដាក់សំភារៈសំណង់ឱ្យបានល្អ

- កម្លាំងជាងសរុបចំនួន ២៨នាក់/ស្រី ៣នាក់។

២. លោក ញិប សុខុម  អនុប្រធានការិយាល័យនីតិកម្មកសិកម្ម និង លោក សុខ រេត មន្រ្តីការិយាល័យកសិឧស្សាហកម្ម ជា​មន្រ្តី​អង្គភាព​អនុវត្ត​គម្រោង​ PPIU-TK នៃគម្រោងខ្សែច្រវាក់ផលិតកម្មដោយភាតរបរិស្ថាន (CFAVC) បានចូលរួមសិក្ខាសាលាផ្សព្វផ្សាយស្ដីពី នីតិវិធីនៃការចុះបញ្ចីនិងបញ្ចាក់គុណភាពពូជដំណាំក្រោមអធិបតីភាព លោក ម៉ាក ចាន់រតនា អនុប្រធាននាយកដ្ឋានពូជដំណាំ។  សិក្ខាសាលា​ធ្វើ​ឡើងនៅ​សណ្ឋាគារសង្គហមិត្ដ​ ខេត្ត​កែប​។

៣. មន្រ្តី​អង្គភាព​អនុវត្ត​គម្រោង​ PPIU-TK នៃ​គម្រោង​ខ្សែ​ច្រវាក់​ផលិតកម្ម​ដោយ​ភាតរបរិស្ថាន (CFAVC) ចំនួន៣នាក់/ស្រី២នាក់ រួមជាមួយមន្រ្តីនៃមន្ទីរកសិកម្ម រុក្ខាប្រមាញ់ និងនេសាទខេត្ត ចំនួន ៣នាក់ បានចូលរួមសិក្ខាសាលាស្តីពីច្បាប់និងលិខិតបទដ្ឋានគតិយុត្តក្រោមច្បាប់គ្រប់គ្រងពូជដំណាំនិងសិទ្ធិអ្នកបង្កាត់ពូជដំណាំ ក្រោមអធិបតីភាព លោក អោម ពេជ្រ ប្រធាននាយកដ្ឋាន។ សិក្ខាសាលានេះធ្វើនៅសណ្ឋាគា​រ សាន់វ៉េ ភ្នំពេញ។