Daily activities of PPIU-TK team on 7th June 2023, Takeo Province (TK)

[Khmer version as below]

Refer to PPIU group telegram shared on 7th June 2023 (គម្រោង CFAVC-PDAFF តាកែវ):

សកម្មភាពថ្ងៃទី៧ ខែមិថុនា ឆ្នាំ២០២៣

១. លោក សោ សារឿង ប្រធានការិយាល័យគ្រឿងយន្តកសិកម្មខេត្ត ជាមន្រ្តីអង្គភាពអនុវត្តគម្រោងថ្នាក់ខេត្ដ PPIU-TK នៃគម្រោងខ្សែច្រវាក់ផលិតកម្មដោយភាតរបរិស្ថាន (CFAVC) ជាមួយលោកទីប្រឹក្សាបច្ចេកទេស CS1 បានចុះពិនិត្យការដ្ឋានសាងសង់ឃ្លាំងស្តុកស្រូវពូជចំណុះ ៥០តោន នៅសហគមន៍កសិកម្មសំបួរចំរើនផល ឃុំសំបួរ ស្រុកទ្រាំង ទទួលបានលទ្ធផលដូចខាងក្រោម៖

- ការដ្ឋានបានចាក់បេតុងក្រវ៉ាត់ធ្នឹមបាតឃ្លាំងរួចរាល់

- បានកំពុងរៀបឥដ្ឋខឿនជុំវិញឃ្លាំង

- រង់ចាំចាក់ដីខ្សាច់បំពេញ, រៀបថ្មបង្ហាប់បាតឃ្លាំង និងខឿនជុំវិញឃ្លាំង

- ក្នុងនោះផងដែរបានណែនាំពីសុវត្ថិភាពក្នុងការសាងសង់និងការទុកដាក់សំភារៈសំណង់ឲ្យបានត្រឹមត្រូវ។

២. លោក ញ៉ិប សុខុម អនុប្រធានការិយាល័យនីតិកម្មកសិកម្មខេត្ត និងលោក ហន ឧត្ដម មន្រ្តីការិយាល័យផលិតកម្ម និងបសុព្យាបាលខេត្ត ជាមន្ត្រីអង្គភាពអនុវត្តគម្រោងថ្នាក់ខេត្ត PPIU-TK នៃគម្រោងខ្សែច្រវាក់ផលិតកម្មដោយភាតរបរិស្ថាន (CFAVC) បានចុះប្រជុំពិភាក្សាជាមួយគណៈកម្មការសហគមន៍កសិកម្ម ដើម្បីជ្រើសរើសកសិករគំរូបង្ហាញឡជីវឧស្ម័ន រោងជីកំប៉ុស្ដិ៍ និងបង្ហាញប្រព័ន្ធកសិកម្មចម្រុះបានចំនួន ២២គ្រួសារ នៅសហគមន៍កសិកម្មចំនួន ០៣ ក្នុងស្រុកត្រាំកក់ រួមមានដូចខាងក្រោម៖

- សហគមន៍កសិកម្មសាមគ្គីមានជ័យ ចំនួន ០៩បង្ហាញ នៅភូមិផ្លូវលោក ឃុំត្រពាំងក្រញូង

- សហគមន៍កសិកម្មត្រពាំងក្រឡាញ់ ចំនួន ០៧បង្ហាញ នៅភូមិត្រពាំងក្រឡាញ់ ឃុំអូរសារាយ

- សហគមន៍កសិកម្មឧត្ដមសុរិយា ចំនួន ០៦បង្ហាញ នៅភូមិត្រពាំងថ្លាន់ ឃុំឧត្ដមសុរិយា។