[Khmer version as below]

Refer to group telegram shared on 20^th October 2023 (គម្រោង CFAVC-PDAFF កំពត):

ថ្ងៃទី១៩-២០ ខែតុលា ឆ្នាំ២០២៣ មន្រ្តីអង្គភាពអនុវត្តគម្រោង (CFAVC) ខេត្តកំពត បានបើកវគ្គបណ្ដុះបណ្ដាលស្តីពី “ការត្រួតពិនិត្យផ្ទៃក្នុងសហគមន៍កសិកម្ម ដោយគណៈកម្មាធិការត្រួតពិនិត្យ”   មានរយ:ពេល ២ថ្ងៃ គឺចាប់ពីថ្ងៃទី១៩-២០ ខែតុលា ឆ្នាំ២០២៣ នៅមន្ទីរកសិកម្ម រុក្ខាប្រមាញ់ និងនេសាទខេត្តកំពត ដែលមានអ្នកចូលរួមសរុបចំនួន ២៥នាក់/ស្រី០៧នាក់ ។ វគ្គបណ្ដុះបណ្ដាលនេះមានគោលបំណង៖

១. ត្រួតពិនិត្យផ្ទៃក្នុងតាមច្បាប់ស្ដីពីសហគមន៍កសិកម្ម លើបទដ្ឋានគតិយុត្តិពាក់ព័ន្ធ។

២. ត្រួតពិនិត្យលើលក្ខន្តិកៈ បទបញ្ជាផ្ទៃក្នុងដើម្បីឱ្យគណៈកម្មាធិការត្រួតពិនិត្យ ទាំងអស់ចេះរៀបចំផែនការសម្រាប់ត្រួតពិនិត្យ មុននឹងចុះប្រតិបត្តិការត្រួតពិនិត្យ និងធ្វើរបាយការណ៍ត្រួតពិនិត្យផ្ទៃក្នុង ដើម្បីផ្ដល់ទំនុកចិត្តដល់សមាជិកសហគមន៍កសិកម្ម។

៣. ការអនុវត្តផ្ទាល់ក្នុងការត្រួតពិនិត្យ។