Refer to individual telegram shared on 18 March 2023 (គម្រោង CFAVC-PDAFF ត្បូងឃ្មុំ):

ថ្ងៃទី០៩ ខែមីនា ឆ្នាំ២០២៣ លោក ង៉ែត សំបឿន អនុប្រធានការិយាល័យក្សេត្រសាស្រ្ត និងផលិតភាពកសិកម្ម និងលោក ហ៊ន់ រី អនុប្រធានការិយាល័យកសិឧស្សាហកម្ម និងមន្ត្រីកសិឧស្សាហកម្ម នៃគម្រោងខ្សែច្រវាក់ផលិតកម្មដោយភាតរៈបរិស្ថាននៃមន្ទីរកសិកម្ម រុក្ខាប្រមាញ់ និងនេសាទត្បូងឃ្មុំ បានចុះពិនិត្យតាមដាន និងអង្កេតវាស់ស្ទង់ទិន្នផលដំណាំដំឡូងមី លើចម្ការបង្ហាញផលិតកម្មពូជដំណាំដំឡូងមីពូជ ៨១ ដោយមានកសិករចូលរួម ១២នាក់/ស្រី ៣នាក់។ ការអង្កេតវាស់ស្ទង់ធ្វើឡើងដោយជ្រើសរើសសំណាកចំនួន ៣កន្លែងផ្សេងៗគ្នាដែលមានទំហំ ៥មx២,៥០ម  ដោយទទួលបានលទ្ធផលដូចខាងក្រោម៖

§  កសិករ  ហាន ស្រីងៀក នៅភូមិស្ពាន ឃុំដារ ស្រុកមេមត់ ខេត្តត្បូងឃ្មុំ  អនុវត្តបង្ហាញលើផ្ទៃដី  ១ហិកតា ដាំថ្ងៃទី០៣ ខែឧសភា ឆ្នាំ២០២២

- សំណាកទី១ ទំហំ ៥មx២,៥០ម ទំងន់ស្រស់ ៤៨ គ.ក្រ

- សំណាកទី២ ទំហំ ៥មx២,៣ម ទំងន់ស្រស់ ៤០ គ.ក្រ

- សំណាកទី៣ ទំហំ ៥មx២,៥ម ទំងន់ស្រស់ ៤៤គ.ក្រ

- ទិន្នផលមធ្យមដំឡូងមីស្រស់ បាន ៣៦ ១៦០គ.ក្រ/ហ.ត

- មើមដំឡូងក្រោយកាត់ចេញកម្រិតស្ទង់ទិន្នផល និងប្រមូលផលជាក់ស្តែងលំអៀង ១០% និងកន្លែងលក់ ១៨% សល់ប្រមាណ ២៦០៣៥គ.ក្រ/ហត លក់មើម បានតម្លៃ ៦៣០រៀល/គក្រ (លក់ចេញទៅប្រទេសវៀតណាម)។

§  បានណែនាំដល់កសិករ ពីបច្ចេកទេសជ្រើសរើសដើមពូជដំឡូងមី ដែលមានសុខភាពល្អ មិនមានរោគសញ្ញាជំងឺម៉ូសាអ៊ិក  ត្រូវកាប់យកមករក្សាទុក ដោយជមដើមពូជពី ២០០ដើម ទៅ៣០០ដើម/ជម។ ការជមដើមពូជ ត្រូវរក្សាទុកនៅឆ្ងាយពីទីតាំងចម្ការ និងកន្លែងដីមានសំណើមខ្ពស់ ព្រមទាំងគ្របគល់ដើមពូជដំឡូងមីឲ្យបានល្អ ដោយប្រើស្លឹកឈើ ចំបើង ឬគល់ជញ្ជាំង។