• Refer to individual telegram shared on 18 March 2023 (គម្រោង CFAVC-PDAFF ត្បូងឃ្មុំ):

ថ្ងៃទី១៦ ខែកុម្ភៈ ឆ្នាំ២០២៣ លោក ង៉ែត សំបឿន អនុប្រធានការិយាល័យក្សេត្រសាស្រ្ត និងផលិតភាពកសិកម្ម និងលោក ហ៊ន់ រី អនុប្រធានការិយាល័យកសិឧស្សាហកម្ម និងមន្ត្រីកសិឧស្សាហកម្ម នៃគម្រោងខ្សែច្រវាក់ផលិតកម្មដោយភាតរៈបរិស្ថាននៃមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានចុះអង្កេតវាស់ស្ទង់ទិន្នផលដំណាំដំឡូងមី លើចម្ការបង្ហាញផលិតកម្មពូជដំណាំដំឡូងមី (ពូជ៨១) ដោយមានកសិករចូលរួម ១៧នាក់/ស្រី ៧នាក់។ ការអង្កេតវាស់ស្ទង់ធ្វើឡើងដោយជ្រើសរើសសំណាកចំនួន ៣កន្លែង​ផ្សេងៗគ្នាដែលសំណាកនីមួយៗមានទំហ៊ំ (៥មx២ម) ដោយទទួលបានលទ្ធផលដូចខាងក្រោម៖

១. កសិករ ស្រេង ស៊ុន នៅភូមិគោកស្រុក ឃុំគោកស្រុក ស្រុកតំបែរ  អនុវត្តបង្ហាញលើផ្ទៃដី  ១ហិកតា ដាំថ្ងៃទី២៣ ខែមេសា ឆ្មាំ២០២២ បានលទ្ធផលដូចខាងក្រោម៖

­ - សំណាកទី១ទំហំ ៥មx២ម ទំងន់ស្រស់ ៥០គ.ក្រ

- សំណាកទី២ទំហំ ៥មx២ម ទំងន់ស្រស់ ៣៥គ.ក្រ

­-  សំណាកទី៣ទំហំ ៥មx២ម ទំងន់ស្រស់ ៤៧គ.ក្រ

­- ទិន្នផលមធ្យមដំឡូងមីស្រស់គិតជាមធ្យម/ហិកតា ទទួលបានចំនួន ៤៤ ០០០គ.ក្រ/ហ.ត

­- កម្រិតម្សៅមើមគ្មានជំងឺម៉ូសាអ៊ិច (CMD)​ ២៣,៩៨%

­- កម្រិតម្សៅមើមមានជំងឺម៉ូសាអ៊ិច (CMD)​ ១៧,៧៤%

­-​ មើមដំឡូងក្រោយកាត់ចេញកម្រិតស្ទង់ទិន្នផល និងប្រមូលផលជាក់ស្តែងលំអៀង ១០% និងកន្លែងលក់១៨% ទទួលបានទិន្នផលប្រមាណ ៣១៦៨០គ.ក្រ/ហត។

២. កសិករ ស្រឿន សុកស្រីមុំ នៅភូមិពពេល ឃុំពពេល ស្រុកពញាក្រែក  អនុវត្តបង្ហាញលើផ្ទៃដី  ១ហិកតា ដាំថ្ងៃទី៣០ ខែមេសា ឆ្មាំ២០២២ បានលទ្ធផលដូចខាងក្រោម៖

­ - សំណាកទី១ទំហំ៥មx២ម ទំងន់ស្រស់ ៤០គ.ក្រ

­­- សំណាកទី២ទំហំ៥មx២ម ទំងន់ស្រស់ ៤៩គ.ក្រ

­- សំណាកទី៣ទំហំ៥មx២ម ទំងន់ស្រស់ ៣៨គ.ក្រ

­­- ទិន្នផលមធ្យមដំឡូងមីស្រស់ទទួលបានចំនួន ៤២ ៣០០គ.ក្រ/ហ.ត

­­- កម្រិតម្សៅមើមគ្មានជំងឺម៉ូសាអ៊ិច (CMD)​ ២២,២៧%

­­- កម្រិតម្សៅមើមមានជំងឺម៉ូសាអ៊ិច (CMD) ១៩,៧៧%

­­- មើមដំឡូងក្រោយកាត់ចេញកម្រិតស្ទង់ទិន្នផល និងប្រមូលផលជាក់ស្តែងលំអៀង ១០% និងកន្លែងលក់ ១៨% ទទួលបានទិន្នផលប្រមាណ ៣០ ៤៥០គ.ក្រ/ហត

­

មន្ត្រីបច្ចេកទេសបានណែនាំដល់កសិករ ពីបច្ចេកទេសជ្រើសរើសដើមពូជដំឡូងមី ដែលមានសុខភាពល្អ មិនមានរោគសញ្ញាជំងឺម៉ូសាអ៊ិក  ត្រូវកាប់យកមករក្សាទុក ដោយជមដើមពូជពី ២០០ដើម ទៅ៣០០ដើម/ជម។ ការជមដើមពូជ ត្រូវរក្សាទុកនៅឆ្ងាយពីទីតាំងចម្ការ និងកន្លែងដីមានសំណើមខ្ពស់ ព្រមទាំងគ្របគល់ដើមពូជដំឡូងមីឲ្យបានល្អ ដោយប្រើស្លឹកឈើ ចំបើង ឬ គល់ជញ្ជាំង។